कौन्सील ऑफ एज्युकेशनच्या वतीने
अविनाश धर्माधिकारी यांचे रविवारी व्याख्यान
कोल्हापूर
थोर स्वातंत्र्यसेनानी, सहकार आणि हरित क्रांतीचे प्रणेते देशभक्त रत्नाप्पाणा कुंभार यांच्या २६ व्या स्मृतिदिनानिमित्त कौन्सिल ऑफ एज्युकेशनच्या वतीने विशेष व्याख्यानाचे आयोजन करण्यात आले आहे. रविवार दि. २२ डिसेंबर रोजी माजी आयएएस अधिकारी अविनाश धर्माधिकारी यांचे हे व्याख्यान होणार आहे. रत्नाप्पाणा कुंभार कॉलेजमधील पुष्पा देशपांडे राशीवडेकर सभागृहात सकाळी अकरा वाजता हा कार्यक्रम होणार आहे.
या कार्यक्रमाचे अध्यक्षस्थान संस्थेच्या अध्यक्षा रजनीताई मगदूम या भुषविणार आहेत. धर्माधिकारी हे भारतीय शिक्षण पद्धतीवर आपले मनोगत व्यक्त करणार आहेत. यावेळी संस्थेचे उपाध्यक्ष प्रसाद मगदूम, सचिव डॉ. विश्वनाथ मगदूम, संचालक वैभव पेडणेकर, अमित बाडकर हे उपस्थित राहणार आहेत. या कार्यक्रमाचे नियोजन देशभक्त रत्नाप्पाणा कुंभार कॉलेज ऑफ कॉमर्स, शहाजी लॉ कॉलेज, नाइट कॉलेज व पार्वतीदेवी कुंभार कॉलेज ऑफ नर्सिंगच्या वतीने करण्यात येणार आहे.
