राहुल आवाडे यांचे जोरदार शक्तिप्रदर्शन
इचलकरंजी मतदारसंघातून महायुतीकडून अर्ज दाखल
* इचलकरंजी : जोरदार शक्तिप्रदर्शन करत महायुती भाजपचे उमेदवार राहुल प्रकाश आवाडे यांनी आज आपला उमेदवारी अर्ज दाखल केला. निवडणूक निर्णय अधिकारी मोसमी चौगुले यांच्याकडे त्यांनी आपले एकूण तीन उमेदवारी अर्ज दाखल केले. यावेळी भाजपच्या पक्ष निरीक्षक आमदार शशिकला जोल्ले, आमदार प्रकाश आवाडे, भाजपचे प्रदेश उपाध्यक्ष सुरेश हाळवणकर, माजी नगरसेवक संजय केंगार उपस्थित होते. या निमित्ताने काढण्यात आलेल्या रॅलीमध्ये भाजपचे
झेंडे घेऊन हजारो महिलांसह मोठ्या संख्येने कार्यकर्ते सहभागी झाले होते. सकाळी नऊ वाजल्यापासूनच महात्मा गांधी पुतळ्याजवळ कार्यकर्ते रॅलीसाठी जमू लागले. ठिकठिकाणांहून कार्यकर्त्यांचे जथ्थे दाखल होऊ लागले. प्रारंभी आमदार आवाडे यांनी कार्यकर्त्यांना मार्गदर्शन केले. त्यानंतर खासदार धनंजय महाडिक यांच्या प्रमुख उपस्थितीत व खासदार धैर्यशील माने यांच्या हस्ते श्रीफळ वाढविल्यानंतर रॅलीला प्रारंभ झाला. यावेळी अशोक स्वामी, रवींद्र माने, तानाजी पोवार,आदी उपस्थित होते.
विविध वाद्यांचा गजर, फटाक्यांची आतषबाजी, विजयाच्या घोषणा देत रॅली मलाबादे चौक मार्गे शिवतीर्थ येथे आली. छत्रपती शिवाजी महाराज यांच्या पुतळ्यास पुष्पहार अर्पण करण्यात आला. रॅलीत भाजपचा स्कार्प, टोपी, झेंडे घेऊन कार्यकर्ते सहभागी झाले होते. विशेषतः महिलांचा सहभाग मोठा होता. प्रांत कार्यालयावर रॅली आली. त्यानंतर त्यांचा उमेदवारी अर्ज दाखल करण्यात आला.
राहुल आवाडे यांच्या अर्जावर संजय व प्रकाश दत्तवाडे यांनी सूचक म्हणून स्वाक्षरी केली आहे; तर आमदार आवाडे यांनी एक डमी अर्ज सादर केला आहे. त्या अर्जावर अश्विनी कुबडगे यांची सूचक म्हणून स्वाक्षरी आहे. यावेळी प्रकाश मोरे, बाळासाहेब कलागते, मोहन मालवणकर उपस्थित होते. या