संजय तेलनाडे गटाचा कारंडे यांना पाठिंबा
स्मिता तेलनाडे प्रचारात सक्रिय
इचलकरंजी : गावभाग परिसरामध्ये महाविकास आघाडीचे उमेदवार मदन कारंडे यांच्या प्रचार यात्रेदरम्यान स्मिता तेलनाडे व सरिता तेलनाडे यांच्या प्रमुख उपस्थितीत पदयात्रा उत्साहात पार पडली. यावेळी पदयात्रेत महिलांची संख्या मोठ्या प्रमाणात दिसून आली.
पदयात्रेदरम्यान, कारंडे यांनी स्थानिक नागरिकांशी संवाद साधत त्यांच्या समस्या जाणून घेतल्या. यासह गावभाग परिसराच्या विकासासाठी महत्त्वपूर्ण योजनांवर त्यांनी चर्चा केली. दरम्यान ,पायाभूत सुविधा, रस्ते ,पाणीपुरवठा , आरोग्यसेवा आणि रोजगाराच्या संधी वाढविण्याच्या दिशेने ते प्रयत्नशील राहणार असल्याचे त्यांनी यावेळी सांगितले. त्यांच्या संवादामुळे नागरिकांमध्ये एक विश्वास निर्माण झाला असून त्यांनी कारंडे यांच्या नेतृत्वाला भरभरून पाठिंबा दर्शवला. पद यात्रेदरम्यान संजय तेलनाडे फौंडेशन, महाविकास आघाडीचे पदाधिकारी, कार्यकर्ते व नागरिक मोठ्या संख्येने उपस्थित होते.