विधानसभेत प्रभावीपणे प्रश्न मांडण्यासाठी डॉ. मिणचेकर यांना उमेदवारी : राजु शेट्टी
माणगाव येथे डॉ. सुजित मिणचेकर यांचा प्रचार शुभारंभ
माणगाव /प्रतिनिधी
शाहू , फुले व आंबेडकर यांचे विचार हाच चळवळीचा आत्मा आहे . याच विचारातून परिवर्तन महाशक्ती आघाडीची स्थापना झाली आहे . विधानसभेत प्रभावीपणे प्रश्न मांडण्यासाठी परिवर्तन महाशक्ती आघाडीतून डॉ . सुजित मिणचेकर यांना उमेदवारी दिली असून, ते निश्चितच निवडून येतील . असा विश्वास स्वाभिमानी शेतकरी संघटनेचे नेते माजी खास . राजू शेट्टी यांनी व्यक्त केला . परिवर्तन महाशक्ती आघाडी व स्वाभिमानी पक्षाचे अधिकृत उमेदवार डॉ. सुजित मिणचेकर यांच्या प्रचार शुभारंभ प्रसंगी बोलत माणगांव ( ता. हातकणंगले) येथे ते होते .
शेट्टी पुढे म्हणाले, कधीही न बोलणाऱ्या विद्यमान आमदारांनी विधानसभेत कधी प्रश्न मांडले नाहीत . त्याचबरोबर ज्या शेतकऱ्यांनी त्यांना मागील विधानसभेच्या निवडणुकीत निवडून दिले त्या शेतकऱ्यांचे प्रश्न कधी त्यांनी विचारले नाही .
सध्या राज्यातील राजकीय संस्कृती बिघडली असून राजकारणात टोळीयुद्ध सुरू आहे . राज्यातील 200 ते 250 घरांनी अशी आहेत की सत्ता असेल तिकडे ते जातात . सत्तेतून पैसा मिळवायचा आणि पैशातून सत्ता मिळवायची असा त्यांचा उद्योग सुरू आहे . सत्ताधाऱ्यांनी भ्रष्ट मार्गाने मिळविलेला पैसा हा आपल्याच खिशातील आहेत फक्त ते लाभधारक आहेत
प्रचार सभेत बोलताना डॉ . सुजित मिणचेकर म्हणाले, मागील निवडणुकीत पराभूत होऊन सुद्धा पाच वर्ष जोमाने कामे केली आहेत . स्वाभिमानी शेतकरी संघटना ही शेतकऱ्यांसह सर्व घटकांसाठी प्रामाणिकपणे काम करणारी संघटना आहे . संघटनेत मी सुद्धा तसेच प्रामाणिकपणे काम मी करीन . माणगाव येथील लंडन भवन व स्वागत कमानीचे काम माझ्या आमदारकीच्या काळातील आहे . तसेच शिट्टी चिन्ह घराघरात पोहोचवण्याचे काम करण्याचे आवाहन त्यांनी केले.
सभेत पुरंदर पाटील , आप्पासो एडके (नेज), तालुकाध्यक्ष राजाराम देसाई , शिवाजी पाटील (अतिग्रे), व्ही. एम्. पाटील (अतिग्रे), संजय सुर्यवंशी , वैभव प्रधान यांच्यासह अनेकांनी मनोगते व्यक्त केली . यावेळी परिवर्तन महाशक्ती व स्वाभिमानी शेतकरी संघटनेचे पदाधिकारी यांच्यासह अन्य मान्यवर , कायकर्ते व नागरिक मोठ्या संख्येने उपस्थित होते . स्वागत प्रास्ताविक ॲड . सुरेश पाटील यांनी केले . तर सुत्रसंचालन संतोष वडेर यांनी केले .
फोटो ओळ –
माणगांव – येथील परिवर्तन महाशक्ती आघाडी व स्वाभिमानी पक्षाचे अधिकृत उमेदवार डॉ. सुजित मिणचेकर यांच्या प्रचार शुभारंभ प्रसंगी बोलताना माजी खास . राजु शेट्टी व उपस्थित अन्य मान्यवर .