राजेश क्षीरसागर यांचे कोल्हापुरात जोरदार शक्ती प्रदर्शन शहरात भगवे वादळ, क्षीरसागर यांना विजयाची खात्री
कोल्हापूर : उत्साही आणि जल्लोषी वातावरणात कोल्हापूर उत्तरचे महायुतीचे उमेदवार राजेश क्षीरसागर यांनी सोमवारी जोरदार शक्ती प्रदर्शन केले. मोटर सायकल रॅलीच्या माध्यमातून केलेल्या या शक्ती प्रदर्शनाने शहरात भगवे वादळ दिसले. गेल्या पंधरा दिवसात केलेला प्रचार आणि मिळालेला उत्स्फूर्त प्रतिसाद पाहता आपला विजय निश्चित असल्याचे राजेश क्षीरसागर यांनी सांगितले.
दसरा चौक येथून दुपारी एक वाजण्याच्या सुमारास मोटरसायकल रॅलीला प्रारंभ झाला. तत्पूर्वी सकाळी अकरा वाजल्यापासूनच महायुतीचे कार्यकर्ते दसरा चौकात दाखल होण्यास सुरुवात झाली. रॅलीत सहभागी झाले. खासदार धनंजय महाडिक, उमेदवार क्षीरसागर, पक्ष निरीक्षक उदय सावंत, जिल्हा नियोजन समितीचे सदस्य सत्यजित कदम, शिवसेनेचे जिल्हाध्यक्ष सुजित चव्हाण, भाजपाचे प्रदेशचे सचिव महेश जाधव, महानगर जिल्हाध्यक्ष विजय जाधव, राष्ट्रवादीचे शहराध्यक्ष आदिल फरास, माजी नगरसेवक बाबा पार्टे यांच्यासह महायुतीतील पदाधिकारी या वाहनात होते.
दसरा चौक, आईसाहेब महाराज चौक, बिंदू चौक, मिरजकर तिकटी, बिनखांबी गणेश मंदिर, उभा मारुती चौक, साकोली कॉर्नर, ताराबाई रोड, महाद्वार रोड, पापाची तिकटी ते छत्रपती शिवाजी चौक अशी मोटरसायकल रॅली काढण्यात आली. छत्रपती शिवाजी चौक येथे रॅली दाखल होताच कार्यकर्त्यांनी विजयाच्या घोषणा देत हा सारा परिसर दणाणून सोडला. कार्यकर्त्यांच्या गर्दीने हा चौक फुलला होता.
या रॅलीमध्ये माजी महापौर नंदकुमार वळंजू, शिवसेनेचे युवासेना पश्चिम महाराष्ट्र सचिव ऋतुराज क्षीरसागर, स्थायी समितीचे माजी सभापती नंदकुमार मोरे, आशिष ढवळे, नगरसेवक राजसिंह शेळके, प्रकाश गवंडी, उत्तम कोराणे, मारुती माने, वैभव माने, अमर क्षीरसागर, शिवसेनेचे रणजीत जाधव, दुर्गेश लिंग्रज, कमलाकर जगदाळे, अशोक पोवार, अजित सासणे यांच्यासह पदाधिकारी, कार्यकर्ते व नागरिक मोठ्याा संख्येने सहभागी झाले होते. या रॅलीत तरुणांची संख्या लक्षणीय होती.