धैर्यशील पाटील कौलकरांचा राहुल पाटील यांना जाहीर पाठिंबा

सोनाळी :
करवीर विधानसभा मतदारसंघातील आमच्या कौलवकर गटाला मानणाऱ्या करवीर तालुक्यातील 24 गावातील मतदार महाविकास आघाडीतील काँग्रेसचे उमेदवार राहूल पाटील यांना मतदान करुन विजयी करतील.त्यांना आमच्या गटाच्या कार्यकर्त्यांचा बिनशर्त पाठिंबा असल्याचे कौलवकर गटाचे प्रमुख भोगावती साखर कारखान्याचे माजी अध्यक्ष, विद्यमान संचालक धैर्यशील पाटील कौलवकर यांनी जाहीर केले.
वाशी (ता. करवीर) येथे राहुल पी.पाटील यांना पाठिंबा देण्यासाठी धैर्यशील पाटील कौलवकर गटाने करवीर तालुक्यातील २४ गावातील कार्यकर्त्यांचा मेळावा बोलविला होता त्यामध्ये कौलवकर गटाचे प्रमुख म्हणून ते बोलत होते. यावेळी केडीसीसी बँकेचे संचालक राजेश पी.पाटील प्रमुख उपस्थित होते.
धैर्यशील पाटील म्हणाले, आपल्या गटाच्या प्रामाणिक कार्यकर्त्यांचा पाठिंबा असून राहुल पाटील यांच्या विजयासाठी कौलवकर गटाचे कार्यकर्ते जीवाचे रान करतील. कौलवकर गटाच्या पाठिंब्या मुळे राहूल पाटलांचे मताधिक्य वाढेल.
दादासाहेब पाटील कौलवकर ट्रस्टचे अध्यक्ष निवास पाटील म्हणाले, कौलवकर गटाच्या करवीर मतदारसंघातील पाठिंब्यामुळे राहूल पाटील यांचा विजय सुकर होणार आहे.
भोगावतीचे चेअरमन शिवाजीराव पाटील म्हणाले धैर्यशील पाटील गटाचा पाठिंबा विजयावर शिक्कामोर्तब करणारा आहे. भोगावती टिकवण्यासाठी आम्ही सर्वजण एकत्र काम करत आहोत.विधानसभा निवडणुकीत करवीर आणि राधानगरी मध्ये समन्वयाने काम करण्याची जबाबदारी दोन्ही पक्षांची आहे स्व.साहेबांचे स्वप्न पूर्ण करण्यासाठी राहुल पाटील यांना साथ द्या.
रवींद्र पाटील सडोलीकर म्हणाले, कौलवकर गटाच्या निष्ठावान कार्यकर्त्यांच्या पाठबळावर राहुल पाटील यांचा विजय निश्चित आहे.विरोधकांच्या भूलथापा आणि आमिषाला निष्ठावान कार्यकर्त्यांनी बळी पडू नये.
यावेळी बी.टी.आमते, सुनील पाटील कुरुकली, बी.ए. पाटील वाशी ,उदयानी साळुंखे सरकार
यांची भाषणे झाली.
मेळाव्यास करवीरचे माजी सभापती राजेंद्र सुर्यवंशी, कौलवकर गटाचे यशवंत पाटील परिते, शंकर बाबाजी पाटील कांचनवाडी, आप्पासाहेब हजारे, दत्ता हजारे वाशी, बी.एन.पाटील सोनाळी, हरिदास मोहिते आरे, साताप्पा पाटील बेले, शहाजी पाटील म्हाळुंगे,वसंतराव पाटील कुरुकली, रघुनाथ मिठारी,भगवान देवकर गाडेगोंडवाडी, सर्जेराव पाटील हळदी, धनाजी पाटील पाटेकरवाडी, रघुनाथ पाटील बाचणी, आशुतोष पाटील परिते, यांच्यासह प्रमुख कार्यकर्ते भोगावती साखर कारखान्याचे आजी-माजी संचालक,कार्यकर्ते मोठया संख्येने उपस्थित होते.