*मंत्री हसनसाहेब मुश्रीफ यांचा वाढदिवस “श्रीराम पर्व” म्हणून साजरा करूया…….*
*राष्ट्रवादीचे जिल्हाध्यक्ष बाबासाहेब पाटील- आसुर्लेकर यांचे आवाहन*
*विधायक सामाजिक व धार्मिक उपक्रमांचे आयोजन*
*कोल्हापूर, दि. ३:*
वैद्यकीय शिक्षणमंत्री हसनसाहेब मुश्रीफ हे गोरगरिबांचे नेते आहेत. त्यांचा वाढदिवस तिथीनुसार रविवारी दि. ६ म्हणजेच प्रभु श्री. रामनवमी दिवशी होत आहे. सबंध जिल्हाभर हा वाढदिवस “प्रभू श्रीराम पर्व” म्हणून साजरा करूया. त्यानिमित्त विविध धार्मिक आणि सामाजिक उपक्रम आयोजित करूया, असे आवाहन राष्ट्रवादीचे जिल्हाध्यक्ष बाबासाहेब पाटील- आसुर्लेकर यांनी केले.
कोल्हापूर जिल्हा राष्ट्रवादी काँग्रेस पक्षातील प्रमुख नेतेमंडळी व पदाधिकाऱ्यांच्या बैठकीत श्री. आसुर्लेकर- पाटील अध्यक्षस्थानावरून बोलत होते.
श्री. आसुर्लेकर- पाटील पुढे म्हणाले, पालकमंत्री हसनसाहेब मुश्रीफ यानी गेल्या ३५-४० वर्षांची सामाजिक आणि राजकीय वाटचाल गोरगरीबांच्या कल्याणासाठी खर्ची घातली. त्यांचे आणि गोरगरिबांचे ऋणानुबंध घट्ट आहेत. या लोकनेत्याचा वाढदिवस शाळांच्या स्वच्छतेसह आरोग्य शिबिरे, रक्तदान शिबिरे, रुग्णांना फळे वाटप, विविध देवतांच्या आरत्या अशा सामाजिक उपक्रमांनी साजरा करूया.
राष्ट्रवादीचे कार्याध्यक्ष अनिल साळोखे म्हणाले, सर्वसामान्य जनतेचे नेतृत्व मंत्री हसनसाहेब मुश्रीफ यांच्या वाढदिवसाच्या निमित्ताने ‘धर्मनिरपेक्षता ही काळाची गरज आहे’ असा संकल्प करूया.
केडीसीसी बँकेचे संचालक प्रताप उर्फ भैय्या माने म्हणाले, कोल्हापूर शहरभरासह संपूर्ण जिल्हाभर विविध सामाजिक उपक्रमाचे आयोजन करू. विशेषता; शाळांच्या स्वच्छतेसह देणगीच्या रूपात शाळांमध्ये लागणाऱ्या अत्यावश्यक वस्तू द्या.
गोकुळ दूध संघाचे संचालक प्रा. किसन चौगुले म्हणाले, लोकनेते नामदार हसनसाहेब मुश्रीफ यांचा वाढदिवस आणि राष्ट्रवादी काँग्रेस पक्षाचे सभासद नोंदणी अभियान, असा दुग्धशर्करा योग आला आहे. कोल्हापूर जिल्ह्यातून उच्चांकी सभासद नोंदणी करून सबंध महाराष्ट्रात कोल्हापूर जिल्हा अग्रेसर बनवून मंत्री श्री. मुश्रीफसाहेब यांना वाढदिवसाची अनोखी भेट देऊया.
*शेतकऱ्यांचा सर्वांगीण विकास…..!*
गोकुळ दूध संघ व केडीसीसी बँकेच्या माध्यमातून मंत्री श्री. मुश्रीफ यांनी कोल्हापूर जिल्ह्यातील सर्वसामान्य गोरगरीब शेतकऱ्यांच्या आर्थिक विकासाला बळ दिले. याबद्दल राष्ट्रवादीचे जिल्हा कार्याध्यक्ष अनिल साळोखे यांनी मंत्री श्री. मुश्रीफ यांच्या अभिनंदनाचा ठराव मांडला.
यावेळी गोकुळ दूध संघाचे संचालक युवराज पाटील, बाळासाहेब देशमुख, प्रवीणसिंह भोसले, यासीन मुजावर, नितीन दिंडे, अभिषेक डोंगळे, निहाल कलावंत, किसनराव चौगुले, उमेश भोईटे, अमरसिंह माने- पाटील, संभाजीराव पोवार, मुनीर शेख, सुहास जांभळे, अमित गाताडे, संभाजी पाटील- भुयेकर आदी प्रमुखांसह पदाधिकारी व कार्यकर्ते मोठ्या संख्येने उपस्थित होते.
…………….
*कोल्हापूर: वैद्यकीय शिक्षणमंत्री हसन मुश्रीफ यांच्या वाढदिवस नियोजनाच्या बैठकीत मार्गदर्शन करताना राष्ट्रवादीचे जिल्हाध्यक्ष बाबासाहेब पाटील- आसुर्लेकर. यावेळी उपस्थित नेतेमंडळी, पदाधिकारी.*
===========