*महाराष्ट्र इन्स्टिट्यूशन फॉर ट्रान्स्फॉर्मेशन (मित्र) या संस्थेच्या “उपाध्यक्ष” पदी आमदार राजेश क्षीरसागर यांची फेरनियुक्ती*
मुंबई दि.०६ : नीती आयोगाच्या धोरणाशी सुसंगत मात्र राज्याच्या गरजांची दखल घेत खाजगी क्षेत्र व अशासकीय संस्थाच्या सहभागाद्वारे राज्याचा जलद व सर्वसमावेशक विकास साधण्यासाठी महाराष्ट्र इन्स्टिट्यूशन फॉर ट्रान्स्फॉर्मेशन (मित्र) या संस्थेची स्थापना करण्यास राज्य शासनाने केली आहे. “मित्र” संस्थेच्या संघटनात्मक रचनेमध्ये नियामक मंडळात “उपाध्यक्ष” पदी राज्य नियोजन मंडळाचे कार्यकारी अध्यक्ष आमदार राजेश क्षीरसागर यांची फेरनियुक्ती करण्यात आली आहे.
भारत सरकारकडून स्वातंत्र्याच्या अमृत महोत्सवानिमित्त भारताला सन २०४७ पर्यंत “विकसित भारत- भारत@२०४७(India@2047)” करण्याचा संकल्प करण्यात आला आहे. विकसित भारताची ही उद्दिष्टे साध्य करीत असताना भारतातील राज्यांना सुद्धा सन २०४७ पर्यंत संपूर्णपणे विकसित होणे गरजेचे आहे. या दृष्टीने महाराष्ट्र राजाची अर्थव्यवस्था सन २०२७ पर्यंत १ ट्रिलियन डॉलर व सन २०४७ पर्यंत ३.५ ट्रिलियन डॉलरपर्यंत पोहचविणे हे राज्याचे मुख्य ध्येय आहे. भारताच्या अर्थव्यवस्थे मध्ये महाराष्ट्र राज्याची अर्थव्यवस्था सर्वात मोठी असून, देशाच्या सकल उत्पन्नामध्ये (GDP) राज्याचा वाटा १५% आहे. विकसित भारताचे ध्येय साध्य करण्यासाठी भारत सरकारमार्फत कार्यरत असलेल्या नीति आयोगाच्या धर्तीवर राज्यामध्येही अशा संस्थेची स्थापना करण्याबाबतच्या सूचना नीति आयोगाकडून देण्यात आल्या. त्यानुसार नीती आयोगाच्या धोरणाशी सुसंगत मात्र राज्याच्या गरजांची दखल घेत खाजगी क्षेत्र व अशासकीय संस्थाच्या सहभागाद्वारे राज्याचा जलद व सर्वसमावेशक विकास साधण्यासाठी महाराष्ट्र इन्स्टिट्यूशन फॉर ट्रान्स्फॉर्मेशन (मित्र) या संस्थेची स्थापना करण्यास शासन निर्णयान्वये मंजुरी देण्यात आली. “मित्र” संस्थेच्या संघटनात्मक रचनेमध्ये नियामक मंडळात अध्यक्षपदी मुख्यमंत्री मा.ना.श्री.देवेंद्र फडणवीस, सहअध्यक्षपदी उपमुख्यमंत्री मा.ना.श्री.एकनाथ शिंदे व उपमुख्यमंत्री ना.मा.श्री.अजितदादा पवार अशी पदरचना यापूर्वी करण्यात आली आहे. आज शासनामार्फत प्रसिद्ध करण्यात आलेल्या शासन निर्णयाच्या अनुषंगाने “मित्र” संस्थेच्या संघटनात्मक रचनेमध्ये नियामक मंडळात “उपाध्यक्ष” पदी राज्य नियोजन मंडळाचे कार्यकारी अध्यक्ष आमदार राजेश क्षीरसागर यांची फेरनियुक्ती करण्यात आली आहे. यासह उपाध्यक्ष पदांची संख्या वाढवून आमदार दिलीप वळसे पाटील आणि आमदार राणा जगजितसिंह पाटील यांचीही नियुक्ती “उपाध्यक्ष” पदावर करण्यात आली आहे.
याबाबत बोलताना आमदार राजेश क्षीरसागर यांनी, राज्याचा विकास साधण्यासाठी महाराष्ट्र इन्स्टिट्यूशन फॉर ट्रान्स्फॉर्मेशन (मित्र) या संस्थेची स्थापना करताना त्यातील मूळ उद्देश साध्य करण्याची मोठी जबाबदारी असून, या संस्थेच्या माद्यमातून अभ्यासपूर्वक काम सुरु आहे. सद्यस्थितीत मित्र संस्थेच्या माध्यमातून कोल्हापूर, सांगली पूरनियंत्रण प्रकल्प आणण्यात मी यशस्वी झालो आहे. याकरिता जागतिक बँकेच्या माध्यमातून सुमारे ३७०० कोटींचा निधी प्रस्तावित करण्यात आला आहे. या प्रकल्पाचे काम प्रगतीपथावर आहे. यासह प्रत्येक जिल्ह्याचा शाश्वत विकास करण्याच्या दृष्टीने शाश्वत विकास परिषद घेण्यात येत आहे. इंटरनॅशनल फायनान्स कॉर्पोरेशनच्या माध्यमातून प्रमुख शहरांचा विकास करण्याची योजना सुरु आहे यामध्ये प्रामुख्याने कोल्हापूर शहराचा समावेश करण्यात आला आहे. राज्यातील सर्वच जिल्ह्यांमध्ये सक्षम विकासासाठी संस्थात्मक क्षमता बळकट करण्यासाठी जागतिक बँक, नाबार्ड, नीती आयोगाच्या माध्यमातून मित्रा संस्थेने Maha STRIDE एक महत्वकांक्षी प्रकल्प हाती घेण्यात आला आहे. तसेच शेतीसाठी सौर उर्जा प्रकल्प आदी महत्वाचे प्रकल्प हाती घेण्यात आले आहेत. राज्याच्या जलद व सर्वसमावेशक विकासाचा भाग होणे ही माझ्यासाठी मोठी संधी असणार आहे. नियोजन विभागाच्या कामकाजाशी संलग्न अशी मित्र या संस्थेची कार्यपद्धती असल्याने मित्र या संस्थेच्या उपाध्यक्ष पदी फेरनियुक्ती झाल्याने मला माझी कार्यक्षमता सिद्ध करण्याची पुन्हा सुवर्णसंधी प्राप्त झाली आहे. यासह नियोजन विभागातील कार्यपद्धतीच्या अनुभवावर ही जबाबदारी निभावणे मला सोयीस्कर आहे. यापूर्वी या पदावर काम करताना राज्याच्या विकासाला चालना देण्यास उपाययोजीलेल्या उपक्रमांची दखल घेवून या पदावर फेरनियुक्ती झाली असून, या नियुक्तीबद्दल या संस्थेचे अध्यक्ष राज्याचे मुख्यमंत्री मा.ना.श्री.देवेंद्र फडणवीस साहेब, सहअध्यक्ष उपमुख्यमंत्री मा.ना.श्री.एकनाथ शिंदे व उपमुख्यमंत्री ना.मा.श्री.अजितदादा पवार यांचे आभार व्यक्त करतो. मित्र संस्थेच्या झालेल्या नियुक्तीच्या माध्यमातून राज्याचा विकास साध्य करण्याचा आपण प्रामाणिक प्रयत्न करणार असल्याचा, विश्वासही त्यांनी व्यक्त केला.
————————————————————–
कार्यालय प्रमुख, शिवालय शिवसेना जिल्हा मध्यवर्ती कार्यालय, कोल्हापूर.