शुक्रवारपासून कोल्हापुरात सतेज कृषी प्रदर्शन’
तपोवन मैदानावर आयोजन, चार दिवस चालणार प्रदर्शन, देशभरातील नामांकित कंपन्यांचा सहभाग
कोल्हापूर : ‘ डी. वाय. पाटील ग्रुप, महाराष्ट्र शासन कृषी विभाग, आत्मा, कृषी विज्ञान केंद्र यांच्या संयुक्त विद्यमाने पश्चिम महाराष्ट्रातल भव्य असे ‘सतेज कृषी व पशुपक्षी प्रदर्शन २०२४’ चे आयोजन करण्यात आले आहे. विविध नामांकित कंपन्यांसह पशुपक्षी, जातिवंत जनावरे यांचा प्रदर्शनात सहभाग असेल. कळंबा रोडवरील तपोवन मैदान येथे २७ ते ३० डिसेंबर दरम्यान हे प्रदर्शन भरवण्यात येणार आहे.
आमदार सतेज पाटील व प्रदर्शनाचे संयोजक कोल्हापूर बी बियाणे कीटकनाशके रासायनिक खत व्यापारी संघटनेचे अध्यक्ष विनोद पाटील यांनी सांगितले की चार दिवस चालणाऱ्या या प्रदर्शनात देशभरातील नामांकित कंपन्यांचा सहभाग असणार आहे. शेतकऱ्यांना एकाच छताखाली आधुनिक तंत्रज्ञानाची माहिती उपलब्ध व्हावी, या उद्देशाने हे कृषी प्रदर्शन भरवण्यात येत आहे. या प्रदर्शनामध्ये शेतकऱ्यांना कृषी तज्ज्ञांकडून शेतीपूरक मार्गदर्शन करण्यात येणार आहे. तसेच शेती व्यवसायपूरक अद्ययावत मशिनरी, पशुपक्षी दालन, तांदूळ महोत्सव, विविध कंपन्यांची उत्पादने तसेच भात, ज्वारी, गहू, ऊस, फळे, भाजीपाला, कडधान्य, फुलशेती यांसह अनेक पिकांच्या उत्पन्न वाढीसाठीची तज्ज्ञांकडून माहिती
शेतकऱ्यांना एकाच छताखाली दिली जाणार आहे.’
या प्रदर्शनाचे उद्घाटन शुक्रवारी (ता. २७) सायंकाळी पाच वाजता खासदार शाहू महाराज यांच्या हस्ते होणार आहे. यावेळी आमदार सतेज पाटील, माजी आमदार ऋतुराज पाटील, आमदार जयंत आसगावकर व मान्यवरांची प्रमुख उपस्थिर्ती राहणार आहे. यावेळी शेतकऱ्यांसाठी विविध स्पर्धा व खाद्य महोत्सव आयोजित करण्यात आला आहे. या प्रदर्शनात तांदूळ महत्वाचे आयोजन करण्यात येणार असून आजरा घनसाळ रत्नागिरी 24 भोगावती इंद्रायणी हळद नाचणी हे शेतकऱ्याकडून थेट ग्राहकांना मिळणार आहे जैन इरिगेशन सिस्टीम चे वरिष्ठ कृषी विद्या वेता सुरेश मगदूम हे केळी पिकासाठी ठिबक सिंचन खत व्यवस्थापन तर चितळे डेअरीचे चंद्रशेखर कुलकर्णी हे मुरघास तंत्रज्ञ व सेक्स सिमेंट या विषयावर मार्गदर्शन करणार आहेत.
पत्रकार परिषदेला डी. डी. पाटील, स्वप्नील सावंत, प्रफुल्ल काटे आदी उपस्थित होते.
