भारती विद्यापीठाच्या वतीने समाज प्रबोधन सप्ताह
इन्स्टिट्यूट ऑफ मॅनेजमेंटच्या वतीने विविध कार्यक्रम
कोल्हापूर
भारतीय विद्यापीठाचे संस्थापक पतंगराव कदम यांची जयंती व आमदार विश्वजीत कदम यांचा वाढदिवस या निमित्ताने भारती विद्यापीठाच्या वतीने समाज प्रबोधन सप्ताह आयोजित करण्यात आले आहे. भारती विद्यापीठ इन्स्टिट्यूट ऑफ मॅनेजमेंटच्या वतीने या निमित्य विविध कार्यक्रम आयोजित करण्यात आलेले आहेत. भारती विद्यापीठ इन्स्टिट्यूट ऑफ मॅनेजमेंट चे मुकुंद कुलकर्णी, पी.के. मुधाळकर, के. एम. आलासकर यांनी पत्रकार बैठकीत सांगितले की, भारतीय विद्यापीठाचे संस्थापक पतंगराव कदम यांची 8 जानेवारी रोजी जयंती आहे. याशिवाय भारती विद्यापीठाचे प्रकुलगुरू आमदार विश्वजीत कदम यांचा 13 जानेवारी रोजी वाढदिवस आहे. यानिमित्ताने समाज प्रबोधन सप्ताहाचे आयोजन करण्यात आले आहे. यामध्ये विविध कार्यक्रम होणार आहेत.
9 जानेवारीला पर्यावरण वाचवा, पाणी वाचवा यावर पोस्टर्स स्पर्धा, 10 जानेवारीला रस्ता सुरक्षा व वाहतूक नियमासाठी विद्यार्थी जागृती रॅली, 11 जानेवारीला रक्तदान शिबिर, स्वयं मतिमंद शाळेतील विद्यार्थ्यांना कौशल्य विकास खेळणी वाटप व 13 जानेवारीला गरजू विद्यार्थ्यांना वह्या वाटपाचे आयोजन करण्यात आले आहे.
यावेळी इंद्रजीत देसाई, वैशाली पाटील, पृथ्वीराज पवार उपस्थित होते.
