श्री साई फाउंडेशन, जाधववाडी, कोल्हापूर. यांच्यावतीने कोल्हापूर शहर मर्यादित भव्य किल्ला बांधणी स्पर्धा
विजेता तरुण मंडळ प्रथम
कोल्हापूर,
श्री साई फाउंडेशन, जाधववाडी, कोल्हापूर. यांच्यावतीने कोल्हापूर शहर मर्यादित भव्य किल्ला बांधणी स्पर्धा घेण्यात आली. त्याचा बक्षीस वितरण समारंभ नुकताच पार पडला
या स्पर्धेमध्ये 19 संघाने भाग घेतला होता. प्रथम क्रमांक विजेता तरुण मंडळ, पवार मळा, कसबा बावडा यांना रोख रुपये 3000/- व सन्मान चिन्ह, द्वितीय क्रमांक किल्ला बॉईज, पाचगाव यांना रोख रुपये 2000/- व सन्मान चिन्ह, तृतीय क्रमांक – हिंदवी ग्रुप स्पोर्ट्स क्लब, विचारे माळ, कदमवाडी यांना रोख रुपये 1000/- व सन्मान चिन्ह तसेच उत्तेजनार्थ बक्षीस वीर संभाजी तरुण मंडळ, भोसलेवाडी, जय हनुमान भक्त मंडळ, जाधववाडी, फायटर स्पोर्ट्स, जुना बुधवार, हळदकर गल्ली, कोल्हापूर, राजे संभाजी तरुण मंडळ, शिवाजी पेठ यांना देण्यात आले
तसेच विशेष पुरस्कार मध्ये स्वरूप सुर्वे याला शिलेदार व श्रावणी काळे हिला रणरागिनी पुरस्काराने गौरविण्यात आले. त्याचबरोबर संस्थेने ही स्पर्धा न समजता किल्ला बांधणी चळवळ गृहीत धरून उर्वरित सर्व स्पर्धेत भाग घेतलेल्या सर्वांना ही प्रोत्साहन पर रोख बक्षीस व सन्मानचिन्ह देऊन गौरविण्यात आले. या कार्यक्रमास प्रमुख पाहुणे म्हणून प्रमोद पाटील, उदय गायकवाड, पुष्कराज क्षीरसागर, राजेंद्र डकरे, नंदकिशोर डकरे उपस्थित होते तर परीक्षक अनंत यादव, रणजीत घरपणकर, विनोद नलवडे, अनिरुद्ध घाटगे, रोहित खोतलांडे यांनी काम पाहिले. हिलरायडर्स व हायकर्स ग्रुपचे अध्यक्ष प्रमोद पाटील यांनी किल्ल्याचे संवर्धन करणे, ट्रेकिंग द्वारे किल्ल्यावर जाऊन प्रत्यक्ष किल्ल्याचा इतिहास जाणून घेणे व त्याचा अभ्यास करणे याबद्दल माहिती दिली.
जेष्ठ पर्यावरण तज्ञ उदय गायकवाड यांनी पर्यावरणाचा संतुलन साधने गरजेचे आहे यासंबंधी माहिती दिली. युवा नेते पुष्कराज क्षीरसागर यांनी सदरचे उपक्रम घेणे सध्याच्या काळाची गरज आहे असे सांगितले तर परीक्षक रणजीत घरपणकर यांनी परीक्षण कशाप्रकारे केले याची माहिती दिली तसेच स्पर्धेत भाग घेतलेल्या संघाने किल्ल्याची पूर्वीची स्थिती व सध्याची स्थिती कशी आहे याचे दर्शन घडविले आहे तसेच छत्रपती शिवाजी महाराजांनी कसे किल्ले बांधणी व कसे किल्ले जिंकले याचे सविस्तर माहिती दिली राजेंद्र डकरे यांनी संस्थेच्या कार्याचे कौतुक केले, तर नंदकिशोर डकरे यांनी संस्थेच्या कार्यास शुभेच्छा दिल्या. संस्थेचे अध्यक्ष श्री शिवाजी पाटील यांनी प्रमुख पाहुणे व परीक्षकांचा सत्कार केला. संस्थेचे संचालक अनंत यादव यांनी प्रमुख पाहुण्यांची ओळख करून दिली तर सूत्र संचालनाचे काम संस्थेचे सेक्रेटरी प्रमोद डकरे यांनी केले तर आभार प्रदर्शनाचे काम संस्थेचे उपाध्यक्ष नितीन पवार यांनी केले या कार्यक्रमास संस्थेचे सर्व संचालक स्पर्धे मध्ये भाग घेतलेले सर्व संघ व जाधववाडीतील ग्रामस्थ उपस्थित होते.
