एआयएसएसएमएस अभियांत्रिकी महाविद्यालयाच्या संघाची रोबोवेदा २०२४ मध्ये चमकदार कामगिरी
पुणे
हैदराबादयेथील श्रीनिधी इन्स्टिट्यूट ऑफ सायन्स अँड टेक्नॉलॉजी येथे झालेल्या रोबोवेदा २०२४ मधील
प्रतिष्ठेच्या रोबो-सुमो स्पर्धेत एआयएसएसएमएस अभियांत्रिकी महाविद्यालयाच्या एव्हिओट-ओ-नेचर संघाने
उपविजेतेपद पटकावत राष्ट्रीय स्तरावर आपला ठसा उमटवला आहे. भारतभरातील ७६ संघांचा या स्पर्धेत
सहभाग होता .
प्रणव बिराडे, पांडुरंग जावळे, आनंद मराठा, आदित्य सोनवणे, करण माने, अथर्व पाटील आदींच्या पथकाने
उत्कृष्ट कौशल्य व सांघिक कामगिरीचे प्रदर्शन केले.
एआयएसएसएमएस सोसायटीचे सचिव श्री .मालोजीराजे छत्रपती यांनी या कामगिरीचे कौतुक करत
उपस्थितांचे परिश्रम व यशाबद्दल अभिनंदन केले.
एआयएसएसएमएस अभियांत्रिकी महाविद्यालयाचे प्राचार्य डॉ. डी. एस. बोरमणे यांनी विद्यार्थ्यांच्या
समर्पणाचे कौतुक केले आणि व्हायब्रंट स्टुडंट क्लबच्या माध्यमातून सह-अभ्यासक्रमातील उत्कृष्टतेला चालना
देण्याच्या संस्थेच्या वचनबद्धतेवर प्रकाश टाकला.
इलेक्ट्रॉनिक्स व टेलीकॉम्युनिकेशन अभियांत्रिकी विभागाचे प्रमुख डॉ. एस. बी. धोंडे व प्राध्यापक सल्लागार
प्रा.नितीन मावळे यांनी संपूर्ण स्पर्धेत संघांना मोलाचे मार्गदर्शन केले.