दबावाला बळी न पडता राहुल पाटील यांना विजयी करा
आ सतेज पाटील यांचे आवाहन
कळे येथे विक्रमी गर्दी ने सभा ठरली लक्षवेधी
कळे :
करवीर मधील काँग्रेसचे उमेदवार राहुल पाटील हे नवीन असले तरी त्यांनी जिल्हा परिषदेच्या माध्यमातून संपूर्ण जिल्ह्यात भरीव काम केलेले आहे .त्यांच्या पाठीशी श्रीपतराव बोंद्रे व पी एन पाटील यांचे कर्तृत्व आणि निष्ठेचा वारसा आहे .राहुल हे करवीरच्या विकासाचा चेहरा असून उमेदवार नवीन असला तर पैलवान कच्चा नाही .त्यामुळे पन्हाळ्यातील मतदारांनी कोणत्याही दबावाला बळी न पडता राहुल पाटील यांना प्रचंड मताधिक्याने विजयी करावे.मी तुमच्या पाठीशी ठामपणे आहे असे प्रतिपादन काँग्रेसचे जिल्हाध्यक्ष आ . सतेज पाटील यांनी केले .
कळे ता पन्हाळा येथे काँग्रेसचे उमेदवार राहुल पी पाटील यांच्या प्रचारार्थ जाहीर सभेत ते बोलत होते. सभेच्या अध्यक्षस्थानी विलास पाटील होते. आज वरच्या सर्व राजकीय सभांमध्ये विक्रमी गर्दी झाल्यामुळे ही सभा लक्षवेधी ठरली. आपल्या भाषणात पुढे बोलताना सतेज पाटील यांनी सत्तेत असताना ज्यांना पडसाळी घाट आठवला नाही ते आता त्या घाटावर बोलत आहेत .निवडणुकीनंतर ह्या घाटाचे काम आम्ही पूर्ण करणार आहोत त्याची कोणी काळजी करू नये असा टोला त्यांनी चंद्रदिप नरके यांचे नाव न घेता लगावला .मी व राहुल पाटील पन्हाळ्याच्या विकासासाठी सक्षम आहोत .कोणत्याही दबावाला अजिबात घाबरू नका अथवा आमिषाला बळी पडू नका .कोणतरी मागीलदाराने अथवा खिडकीतून येईल त्याला थारा देऊ नका . सतेज पाटील तुमच्या पाठीशी खंबीरपणे उभा आहे, असा विश्वास दिला. राहुल पाटील यांना प्रचंड प्रतिसाद मिळत आहे . पायाला भिंगरी बांधून प्रचार करा विजय आपलाच आहे असेही पाटील यांनी सांगितले .
राहुल पाटील म्हणाले, स्वर्गिय पी.एन.पाटील यांनी सर्वसामान्य माणूस स्वाभिमानाने उभा केला आहे . शेतकरी कष्टकरी व बेरोजगारांचे अनेक प्रश्न मार्गी लावले .कर्जमाफी प्रोत्साहन पर अनुदानाचा प्रश्न त्यांच्यामुळेच सुटला आहे .मतदार संघाच्या चौफेर विकासासाठी ते रात्रंदिवस राबत होते .त्यांचे स्वप्न पूर्ण करून आगामी काळात या मतदारसंघात तरुणांच्या हाताला काम देण्यासाठी रोजगार निर्मितीला प्राधान्य देणार असून माता भगिनींना आर्थिक दृष्ट्या स्वावलंबी करण्यासाठी विविध योजना राबवणार आहे त्यामुळे सर्वांनी हाताला साथ द्यावी असे आवाहन केले
यावेळी बोलताना खासदार श्रीमंत छत्रपती शाहू महाराज यांनी पी एन पाटील हे करवीरच्या विकासाचे खरे खरे शिल्पकार आहेत त्यांचे स्वप्न पूर्ण करून करवीरच्या सर्वांगीण विकासासाठी व पी एन पाटील यांचे स्वप्न पूर्ण करण्यासाठी राहुल पाटील यांना पाठबळ द्यावे असे आवाहन केले .
शिवसेनेचे उबाठा जिल्हाप्रमुख संजय पवार यांनी आपल्या भाषणात चंद्रदिप नरके यांनी शिवसैनिक आणि मातोश्री शी गद्दारी केलेली आहे .या गद्दारांना करवीर कधी थारा मिळणार नाही.ज्यांनी शिवसेनेचा बाप चोरला आहे त्यांनी स्वतःच्या बापाचा फोटो घेऊन मते मागावीत .राहुल पाटील यांच्या पाठीमागे पी .एन पाटील यांची कामाची पुण्याई आहे त्यामुळे कोल्हापूरच्या मातीशी गद्दारी करणाऱ्या गद्दारांना घरी बसवा असे सांगितले .
यावेळी गोकुळचे संचालक चेतन नरके विलास पाटील राजेंद्र सूर्यवंशी यांची भाषणे झाली . यावेळी तालुका काँग्रेस अध्यक्ष जयसिंगराव हिर्डेकर जिल्हा बँकेचे संचालक राजेश पाटील सडोलीकर संचालिका श्रुतिका काटकर हंबीरराव चौगले, राजेंद्र खानविलकर मनोज पाटील बाळासाहेब मोळे सरदार पाटील (आकुर्डे),वसंतराव इंदुलकर,शशिकांत आडनाईक, बाळासाहेब मोळे अर्जुन पाटील,शाहू काटकर, भरत इंजुळकर, रायसिंग चौगले, , दामोदर गुरव,नितीन हिर्डेकर, सलीम गडकरी, स्वाभिमानी शेतकरी संघटनेचे बळीराम पाटील,अनिल माळवी, अनिल पवार,सुरेश वाडेकर यांच्यासह हजारो कार्यकर्ते उपस्थित होते.
चौकट
अन् संजय पवारना अश्रू अनावर !
शिवसेनेचे संजय पवार यांनी आपल्या भाषणात पी एन पाटील हे खऱ्या अर्थाने लोकनेते होते त्यांचा आमचा केवळ पंधरा दिवस संपर्क आला .त्यांच्या एका कॉल वर सर्व प्रश्न सॉल्व होत होते .मात्र समोरच्या विरोधी उमेदवाराचा कॉल कोण उचलत ही नाही . अशी टीका केली .पी एन यांचा पूर्वी संपर्क आला नाही याबद्दल दुःख आहे असे सांगताना त्यांच्या डोळ्यात अश्रू तरळले .
फोटो
कळे ता पन्हाळा येथे काँग्रेसचे उमेदवार राहुल पाटील यांच्या जाहीर प्रचार सभेत बोलताना काँग्रेसचे जिल्हाध्यक्ष आ . सतेज पाटील व्यासपीठावर खा .छत्रपती शाहू महाराज संजय पवार चेतन नरके व मान्यवर