*गहिनीनाथ गैबी पीर चरणी कागल सिनियर घाटगे घराण्याचा यांचा मानाचा चौथा गलेफ विधीवत अर्पण*
कागल,प्रतिनिधी.
येथील श्री गहिनीनाथ गैबी पीर चरणी उरूसा निमित्त मानाचा चौथा गलेफ कागल सिनियर घाटगे घराण्याचे वंशज व शाहू ग्रुपचे अध्यक्ष राजे समरजितसिंह घाटगे यांनी विधीवत अर्पण केला.येथील उरूसाचा आज मुख्य दिवस आहे. आजचा चौथा गलेफ हा मोठा म्हणून ओळखला जातो. त्याचा मान कागल सिनियर घाटगे घराण्याचा आहे. पारंपरिक वाद्यांच्या गजरात व धार्मिक वातावरणात हा गलेफ अर्पण केला. यावेळी राजपरिवारातील श्रीमंत वीरेंद्रसिंह घाटगे, भाकणूककार गुरुमाऊली कृष्णात डोणे महाराज, शाहूचे संचालक सतीश पाटील आदी मान्यवर उपस्थित होते.
छायाचित्र- कागल येथील गहिनीनाथ गैबी पीर उरूसानिमित्त मानाचा चौथा गलेफ अर्पण करताना कागल सिनियर घाटगे घराण्याचे वंशज व शाहू ग्रुपचे अध्यक्ष राजे समरजितसिंह घाटगे, श्रीमंत वीरेंद्रसिंह घाटगे व भाकणूककार गुरुमाऊली कृष्णात डोणे महाराज इतर.