कुरापती काढण्यापेक्षा समोर येऊन लढा……
पालकमंत्री हसन मुश्रीफ यांच्या उमेदवारी अर्जावर समरजीत घाटगे यांनी आक्षेप घेतला. त्याला पालकमंत्री हसन मुश्रीफ दिलेली प्रतिक्रिया
कोल्हापूर
कुरापती काढण्यापेक्षा समोर येऊन लढा असे सांगून
पालकमंत्री हसन मुश्रीफ म्हणाले, समरजीत घाटगे यांच्या कटकारस्थानी प्रवृत्तीचेच हे द्योतक आहे. त्यांनी या असल्या उचापती आणि कुरापती करण्यापेक्षा समोर येऊन मैदानातच जिद्दीने लढावे. विधानसभेच्या मैदानात लढण्याची हिंमत त्यांच्यात दिसत नाही. दोन दिवसांपूर्वीच उमेदवारी अर्ज भरण्यासाठी कागलमध्ये लाखाहून अधिक गर्दी जमली होती. तसेच; गावागावातून आम्हाला मिळणारा प्रतिसाद पाहता ही निवडणूक जनता, माता-भगिनी, युवक- युवती, लहान मुले यांनी ही निवडणूक हातात घेतल्याचे सिद्ध झाले आहे. त्यामुळे समरजीत घाटगे यांना धडकी भरली आहे. कारण, गावागावातील वातावरण त्यांना कळालेला आहे.
============