‘गोकुळ’ हा सहकाराचा मानदंड आहे !
– खासदार विशाल पाटील
संसद सदस्य, सांगली लोकसभा.
कोल्हापूर ता.०९: कोल्हापूर जिल्हा सहकारी दूध उत्पादक संघ मर्या., कोल्हापूर (गोकुळ) च्या ताराबाई पार्क कार्यालयास आज स्वर्गीय वसंतदादा पाटील यांचे नातू, सांगली लोकसभा मतदारसंघाचे नूतन खासदार मा.विशाल पाटील यांनी भेट दिली. यावेळी सांगली लोकसभा मतदारसंघातून विजयी झालेबद्दल गोकुळ परिवाराच्यावतीने चेअरमन अरुण डोंगळे यांच्या हस्ते व संचालक मंडळाच्या उपस्थितीत सत्कार करण्यात आला.
या सत्कार प्रसंगी बोलताना खासदार विशाल पाटील म्हणाले कि, देशाच्या कृषी क्षेत्रास दिशा देण्याचे काम सहकाराने केले आहे. महाराष्ट्राच्या प्रगती मध्ये सहकार चळवळीचे मोठे योगदान असून गोकुळने सहकारातील मूल्यांची जपणूक करत दुग्ध व्यवसायातील दूध संकलन, दुधावरील प्रक्रिया व त्याचे वितरण याचे उत्कृष्ट नियोजन करून संस्थेला एकूणच नाव लौकिक प्राप्त करून दिलेला आहे. त्यामुळे महाराष्ट्रातच नव्हेतर संपूर्ण देशात सहकाराचा आदर्श म्हणून ओळखला जाणारा गोकुळ दूध संघ हा सहकाराचा मानदंड आहे. असे गौरवोद्गार सांगलीचे नूतन खासदार विशाल पाटील या प्रसंगी काढले. गोकुळ सारख्या शेतकरी भिमुख असणाऱ्या संस्थेस भेट देण्याचा योग आला. गोकुळ परिवाराच्या वतीने माझा सन्मान केलेबद्दल आभार मानले व भविष्यात दुग्ध व्यवसाया संबंधी असणाऱ्या अडी-अडचणी दूर करण्यासाठी केंद्रामध्ये पाठपुरावा करू असे आश्वासन दिले.
यावेळी गोकुळचे चेअरमन अरुण डोंगळे म्हणाले कि, महाराष्ट्राचे माजी मुख्यमंत्री स्वर्गीय वसंतदादा पाटील यांनी सहकाराच्‍या माध्येमातून ग्रामीण भागातील कृषी व दुग्ध व्यवसायाचा विकास साधन्‍याचा यशस्‍वी प्रयत्‍न केला. त्यांच्यामुळेच महाराष्ट्रात सहकाराची बीजे रोवली गेली आहेत. गोकुळच्या वाटचाली मध्ये स्वर्गीय वसंतदादा पाटील यांचे मोलाचे योगदान आहे. त्यांच्या सहकार्यामुळेच गोकुळच्या माध्यमातून आज लाखो दूध उत्पादक शेतकरी सक्षम झाले आहेत. अशा या थोर व्यक्तींचे वारस असणारे सांगलीचे नूतन खासदार विशाल पाटील यांचा सत्कार गोकुळ मध्ये करणे हे आमच्यासाठी आनंदाचे आहे असे मनोगत व्यक्त केले. यावेळी दुग्ध व्यवसायातील विविध विषयांवर चर्चा करण्यात आली.
यावेळी गोकुळचे चेअरमन अरुण डोंगळे, ज्येष्ठ संचालक विश्वास पाटील, संचालक बाबासाहेब चौगले, शशिकांत पाटील चुयेकर, प्रकाश पाटील, बयाजी शेळके, रयत सेवा कृषी संघाचे चेअरमन सचिन पाटील, राष्ट्रवादी युवक कॉंग्रेस प्रदेश सचिव अभिषेक डोंगळे, शिवसेना संपर्क प्रमुख शाकीर पाटील,संघाचे जनसंपर्क अधिकारी सचिन पाटील, डी.डी.पाटील, संघाचे अधिकारी,कर्मचारी उपस्थित होते.
————————————————————————————————-
फोटो ओळ – सांगलीचे नूतन खासदार विशाल पाटील यांचा सत्कार करताना गोकुळचे चेअरमन अरुण डोंगळे, ज्येष्ठ संचालक विश्वास पाटील, संचालक बाबासाहेब चौगले, शशिकांत पाटील चुयेकर, प्रकाश पाटील, बयाजी शेळके, संघाचे अधिकारी आदि दिसत आहेत.